Bashkimi Evropian përgatit paketën e re të ndëshkimeve dhe strategjinë financiare për Kievin

Kreu i Komisionit Evropian, Ursula von der Leyen, ka bërë të ditur gjatë ditës së sotme se Bashkimi Evropian po punon intensivisht për hartimin e paketës së 22-të të sanksioneve ndaj Rusisë, si dhe për një plan afatgjatë që do të sigurojë mbështetjen financiare për Ukrainën deri në vitin 2027. Dukefolurpara përfaqësuesve të mediave në hapjen e Samitit të Komunitetit Politik Evropian (EPC) që po zhvillohet në Dublin, Von der Leyen theksoi se këto masa dhe propozimet për fondet e Kievit janë në fazën e finalizimit. “Ne do të dalim me paketën e re të sanksioneve dhe me propozimin konkret për nevojat financiare para mbajtjes së Këshillit të ardhshëm Evropian”, deklaroi presidentja e Komisionit Evropian. Gjatë fjalës së saj, ajo vlerësoi pozitivisht zhvillimin e bisedimeve për paqe në Abu Dhabi, si dhe angazhimin e palës evropiane në mbrojtjen e interesave strategjike të bllokut. “Ne do të vazhdojmë ta mbështesim Ukrainën, si në kohë lufte, ashtu edhe në kohë paqeje”, përfundoi Von der Leyen.