Robert De Niro shfaqet në krah të partneres në një dalje të rrallë publike në New York

Aktori legjendar i kinematografisë botërore, Robert De Niro, ka tërhequr vëmendjen e të pranishmëve dhe të fotografëve gjatë premierës së filmit “Focker-in-Law” në New York. Ylli i Hollivudit parakaloi në tapetin e kuq së bashku me partneren e tij, Tiffany Chen, në një paraqitje që ra në sy për shkak se dyshja zgjedh rrallë që t’i shfaqet publikut në evente të tilla. De Niro u shfaq me një stil mjaft elegant, i veshur me një xhaketë të errët dhe pantallona klasike. Nga ana tjetër, partnerja e tij, Tiffany Chen, zgjodhi një fustan me një model mjaft tërheqës, të cilin e shoqëroi me një çantë dore që binte në sy. Lidhja mes aktorit dhe instruktores së arteve marciale ka nisur në vitin 2021. Çifti tashmë ka edhe një vajzë të quajtur Gia, e cila erdhi në jetë në prill të vitit 2023. Sipas informacioneve mbi njohjen e tyre, dyshja thuhet se janë takuar për herë të parë në vitin 2015, gjatë xhirimeve të filmit “The Intern”.