Mungesa e deputetëve shtyn seancën e Kuvendit, Haxhiu: Nuk mund të pres deri në pafundësi

Seanca plenare e Kuvendit të Kosovës është shtyrë për ditën e nesërme, pasi ligjvënësit nuk janë paraqitur në sallë brenda afateve kohore të parashikuara, duke bërë që punimet të zhvendosen për në orën 11:00. Kryetarja e Kuvendit, Albulena Haxhiu, ka zyrtarizuar vendimin për shtyrjen e punimeve, duke shprehur hapur zhgënjimin e saj lidhur me papërgjegjësinë dhe mungesën e deputetëve në orarin e caktuar. “Seanca i vazhdon punimet nesër në orën 11:00. Nuk është serioze që edhe 30 minuta pas orës 14:00 deputetët nuk po vijnë. Unë nuk kam mundësi të funksionoj e të pres deri në pafundësi”, u shpreh Haxhiu gjatë fjalës së saj.