Nën masa të rrepta sigurie, nis gjykimi për ish-bashkëshortin e të ndjerës Arlinda Zekaj

Gjykata Themelore në Pejë ka nisur shqyrtimin fillestar ndaj Jeton Sylajt, ish-bashkëshortit të Arlinda Zekajt, i cili po përballet me akuzat për veprën penale të kanosjes. Trupi gjykatësor ka ndërmarrë masa të larta sigurie për këtë proces. Seanca dëgjimore, e cila ishte parashikuar të niste në orën 11:00, po zhvillohet dyert e mbyllura për publikun, konform vendimit të marrë nga gjykata më 10 nëntor 2026. Pamjet e siguruara dëshmojnë momentin kur Njësia Speciale Interventuese ka shoqëruar nën masa të rrepta sigurie të pandehurin Sylaj brenda objektit të gjykatës.