Gjykata Speciale, VV dhe PDK vazhdojnë bisedimet për hapat e ardhshëm ligjorë

Lëvizja Vetëvendosje dhe Partia Demokratike e Kosovës (PDK) vijojnë ende bisedimet intensive rreth mënyrës se si do të procedohet më tej me Ligjin për Gjykatën Speciale. Kjo u bë e ditur nga kryesuesi i Komisionit për Legjislacion, njëkohësisht deputet i Lëvizjes Vetëvendosje, Vigan Qorrolli. Pas përfundimit të mbledhjes së komisionit, ai ka deklaruar se marrëveshja përfundimtare mes palëve pritet të arrihet së shpejti.