Mungon marrëveshja mes PDK-së dhe VV-së, ligji për Specialen shkon në Kuvend në versionin aktual

Përpjekjet për të gjetur një gjuhë të përbashkët ndërmjet Partisë Demokratike të Kosovës (PDK) dhe Lëvizjes Vetëvendosje (VV) rreth ndryshimeve në ligjin për Dhomat e Specializuara kanë dështuar. Lajmi është bërë i ditur nga deputetja e PDK-së, Blerta Deliu, gjatë mbledhjes së Komisionit për Legjislacion. Ajo ka theksuar se, pavarësisht rikthimit në Kuvend të kësaj teme me rëndësi të lartë, seancës do t'i paraqitet për votim pikërisht i njëjti tekst ligjor, pa përfshirë asnjë modifikim apo përmirësim të ri. Për miratimin përfundimtar të këtij projektligji në Kuvend kërkohet minimalisht mbështetja e 61 deputetëve.