Masë e re sigurie: Gjykata e Apelit liron këngëtarin Jozefin Marku

Gjykata e Apelit ka marrë vendimin përfundimtar lidhur me fatin e këngëtarit Jozefin Marku, i cili ishte përfshirë në një çështje hetimore. Sipas informacioneve zyrtare, trupi gjykues ka vendosur që për artistin të caktohet masa e sigurisë "detyrim paraqitje". Kujtojmë se Marku u prangos nga autoritetet në fillim të muajit shtator, pasi në medie u shpërndanë pamje filmike ku ai dhe disa individë të tjerë shfaqeshin duke ushtruar dhunë ndaj Eduard Kuçit. Episodi i dhunës dyshohet se ndodhi pranë zonës së mbikalimit të Rinasit. Në videot e bëra publike, Kuçi näqyret teksa bllokohet në mes të rrugës dhe detyrohet të dalë nga mjeti i tij. Nga hetimet e deritanishme rezulton se autorët kanë përdorur edhe një tabelë zyrtare të Policisë së Shtetit për të kryer ndalimin e tij.