Tragjedi në Brooklyn: Shembet ndërtesa trekatëshe, një viktimë dhe të plagosur nën rrënoja

Një ngjarje e rëndë ka tronditur Brooklynin të mërkurën pasdite, ku shembja e një objekti trekatëshe ka lënë pas një bilanc tragjik. Autoritetet lokale raportojnë se një person ka humbur jetën, ndërsa dy të tjerë kanë pësuar lëndime të rënda si pasojë e këtij incidenti. Departamenti i Zjarrfikësve të New Yorkut (FDNY) ka konfirmuar se ekipet e shpëtimit janë mobilizuar menjëherë në vendin e ngjarjes, në Flatbush Avenue, për të kryer kërkimet. Sipas zyrtarëve, operacioni është ende në zhvillim e sipër, pasi dyshohet se një person tjetër mund të ketë mbetur i ngujuar nën rrënojat e ndërtesës. Në një njoftim zyrtar, FDNY bëri të ditur se njësitë e tyre po punojnë me intensitet të lartë për të menaxhuar situatën dhe për të nxjerrë të mbijetuarit e mundshëm. Ekipet e emergjencës mbeten të pranishme në zonë, ndërkohë që hetimet për të zbardhur shkaqet e shembjes së objektit pritet të nisin pas përfundimit të operacionit të kërkim-shpëtimit.