Bashkimi ndalet në Letoni, Valmiera përmbys rezultatin në FIBA Europe Cup

Skuadra e Bashkimit ka pësuar disfatë në udhëtim ndaj Valmieras, me rezultatin përfundimtar 85:77, në kuadër të sfidave të vlefshme për FIBA Europe Cup. Prizrenasit e nisën ndeshjen me përqendrim të lartë, duke dominuar pjesën e parë dhe duke mbajtur epërsinë ndaj kundërshtarit. Megjithatë, pas pushimit, ritmi i lojës së tyre ra, çka u shfrytëzua nga vendasit për të përmbysur rezultatin dhe për të marrë fitoren. Lojtari më i dalluar në radhët e ekipit nga Prizreni ishte Shannon Shorter, i cili e mbylli takimin me 17 pikë të shënuara dhe 6 asistime. Kujtojmë se në duelin e parë mes këtyre dy ekipeve, të zhvilluar në Prizren, Bashkimi kishte arritur të triumfonte ngushtë, 79:77. Pas këtij takimi, vëmendja e Bashkimit zhvendoset te sfidat e radhës kundër skuadrës angleze, Manchester. Përballja e parë do të luhet në Prizren më 18 nëntor, ndërsa sfida e kthimit është planifikuar të zhvillohet në Angli më 2 dhjetor.