Formohet Paneli i Apelit në Gjykatën Speciale për çështjen e ish-krerëve të UÇK-së

Janë caktuar zyrtarisht gjyqtarët që do të shqyrtojnë çështjen në shkallën e dytë për ish-krerët e Ushtrisë Çlirimtare të Kosovës (UÇK) pranë Dhomave të Specializuara. Sipas gazetarit Besian Beha, trupi gjykues i Apelit do të përbëhet nga Michele Pichard nga Franca, e cila do të shërbejë si kryetare e panelit, si dhe nga dy anëtarët e tjerë, Kai Ambos nga Gjermania dhe Nina Jorgensen nga Norvegjia. Beha ka vënë në dukje gjithashtu se ky panel gjyqtarësh ka trajtuar më parë edhe rastet e tjera të bujshme të ish-pjesëtarëve të UÇK-së, konkretisht ato të Salih Mustafës dhe Pjetër Shalës. Kujtojmë se katër ish-krerët e UÇK-së, të cilët ndodhen në proces gjyqësor, janë dënuar në shkallë të parë me një total prej 81 vjetësh burgim.