Sulmi në Ibër-Lepenc: Të pandehurit refuzojnë sërish akuzat para drejtësisë

Në Gjykatën Themelore në Prishtinë është zhvilluar seanca e radhës lidhur me sulmin e ndodhur në kanalin e ujit të Ibër-Lepencit, ku të pandehurit Jovan Viqentijeviq, Dragisha Viqentijeviq dhe Igor Dimoviq kanë mohuar sërish çdo përgjegjësi për veprat e ngarkuara, duke u deklaruar të pafajshëm. Aceh seancë është mbajtur para një trupi gjykues me përbërje të re në kuadër të Departamentit Special. Ndryshimi në panelin gjykues ka ardhur si pasojë e pensionimit të gjyqtarit që ka udhëhequr më parë çështjen, duke kërkuar kështu vazhdimin e procedurave sipas rregullave ligjore në fuqi.