Ndërron jetë në moshën 80-vjeçare mësuesja dhe shkrimtarja e njohur Hanëmshahe Ilazi

Është ndarë nga jeta këtë të mërkurë, në moshën 80-vjeçare, veprimtarja, arsimtarja dhe shkrimtarja e shquar, Hanëmshahe Ilazi. Lajmin e hidhur për humbjen e saj e kanë bërë të ditur anëtarët e familjes përmes një njoftimi publik. Sipas njoftimit zyrtar nga familjarët, ceremonia e varrimit për t'i dhënë lamtumirën e fundit do të mbahet sot, duke filluar nga ora 15:00, në fshatin Muhovc të Ferizajt. Hanëmshahe Ilazi do të mbahet mend gjatë për kontributin e saj të çmuar si edukatore e brezave të tërë, krijuese dhe veprimtare e shquar e çështjes kombëtare.