Arrestohet gazetari që kërkonte eliminimin e gazetarëve në Kosovë

Publikuar më: Policia e Kosovës ka njoftuar se e ka arrestuar gazetarin nga Lugina e Preshevës, Nexhat Behluli, i cili ditë më parë kërkonte eliminimin e disa gazetarëve të Kosovës. Në raportin 24 orësh, policia ka treguar se personi në fjalë është dërguar në mbajtje nën dyshimin se përmes një statuti në profilin e tij në “Facebook” kishte kanosur disa gazetarë. “Prishtinë 05.05.2025 – 13:00. Më datë 30.05.2025 lidhur me rastin është arrestuar i dyshuari mashkull, nën dyshimin se kishte postuar një shkrim në facebook duke kanosur disa gazetarëve. Pas intervistimit me aktvendim të prokurorit kujdestar i dyshuari është dërguar në qendrën e mbajtjes”, është thënë në raportin 24 orësh.