Pakënaqësi masive në Turqi: Tifozët kërkojnë kokën e trajnerit Montella pas dështimeve radhazi

Vala e pakënaqësisë ka kapluar opinionin sportiv turk, pas paraqitjeve zhgënjyese të kombëtares, ku kulmi u arrit me humbjen e rëndë ndaj Italisë, pas asaj ndaj Francës. Ky rezultat ka vënë në pikëpyetje të madhe të ardhmen e trajnerit në krye të stolin, duke ndezur protesta të fuqishme nga ana e mbështetësve. Atmosfera u tensionua që në nisje, ku hymni ifaqësues italian u prit me vërshëllima, të njëjtin fat pati edhe tekniku Vincenzo Montella që në minutat e para të sfidës. Ndeshja e cila u zhvillua në stadiumin “Arena e krokodilit” në Bursa, me synimin për të krijuar një ambient intimidues për italianët, u kthye në një boomerang për vetë përfaqësuesen turke. Pjesa e parë e mjerueshme nxiti revoltën e tifozëve, të cilët lëshuan thirrje të zhurmshme dhe akuza verbale, duke i kërkuar hapur kreut të Federatës Turke të Futbollit, Ibrahim Hacıosmanoğlu, shkarkimin e menjëhershëm të strategut italian. Presioni i madh dhe situata e krijuar në shkallët e stadiumit e detyruan numrin një të futbollit turk të braktiste parakohësisht impiantin sportiv. Megjithatë, fërshëllimat dhe kërkesat për largimin e Montellës nuk lindën nga ky duel, pavarësisht ndeshjes dinjitoze të zhvilluar më parë kundër Francës. Pakënaqësitë e publikut kishin nisur muaj më parë, si pasojë e paraqitjes zhgënjyese në Kampionatin Botëror, ku Turqia ishte nisur me ambicie të mëdha dhe me një grup lehtësisht të kalueshëm në letër. Megjithatë, humbjet ndaj Australisë me rezultatin 2-0 dhe Paraguajit me shifrat 1-0 shuan përfundimisht ëndrrën e kualifikimit. Tashmë, pas disfatës së thellë përballë Italisë, pozita e Vincenzo Montellës në krye të kombëtares turke është më e rrezikuar se kurrë më parë.