Mckenna Grace shkëlqen në premierën e 'The Hunger Games', duke evokuar stilin legjendar të Katniss Everdeen

Aktorja e njohur amerikane, Mckenna Grace, u shndërrua në qendër të vëmendjes gjatë premierës së filmit “The Hunger Games: Sunrise on the Reaping”, të mbajtur në Los Angeles. Grace u shfaq me një krijim elegant në ngjyrë të zezë, i cili binte në sy për detajet vezulluese dhe puplat e sofistikuara në nuancat e kuqe të errët dhe të zezë, të vendosura me mjeshtëri në zonën e shpatullave. Zgjedhja e saj stilistike nuk kaloi pa u vënë re nga adhuruesit e sagës, të cilët menjëherë e lidhën pamjen e saj me veshjen ikonike të personazhit Katniss Everdeen. Bëhet fjalë për fustanin e paharrueshëm që Jennifer Lawrence veshi në filmin “The Hunger Games: Catching Fire”, gjatë skenës së famshme në rezidencën e Presidentit Snow. Në këtë mbrëmje të rëndësishme për industrinë e kinematografisë, aktorja u shoqërua nga kolegu i saj, Joseph Zada. Dyshja u prit me mjaft entuziazëm nga fansat e pranishëm, ndërsa aktorët nuk nguruan të ndalonin për t’u dhuruar autografe dhe për të realizuar fotografi me ta përgjatë tapetit të kuq.