Bella Hadid konfirmon romancën e re: Momente pasionante me partnerin në tribunat e hokejit

Supermodelja me famë botërore, Bella Hadid, ka vendosur t’i japë fund spekulimeve duke e bërë publike lidhjen e saj më të re sentimentale. Përmes një postimi në llogarinë e saj zyrtare në Instagram, bukuroshja amerikane ndau me ndjekësit disa imazhe nga ndeshja e së shtunës e skuadrës së hokejit, Colorado Avalanche. Në këto fotografi, ajo shfaqet mjaft e afërt dhe e dashuruar krah partnerit të saj, i cili është identifikuar si Nathan Lacy, një profesionist që vepron në industrinë e ndërtimit në shtetin e Kolorados. Çifti nuk ka hezituar të shfaqë ndjenjat e tyre para syve të publikut, duke u fotografuar në momente romantike, teksa shkëmbenin përqafime dhe puthje në tribunat e stadiumit, duke konfirmuar kështu lidhjen e tyre të konsoliduar. Krahas momenteve të ëmbla, Bella Hadid shfrytëzoi rastin për të reflektuar mbi lidhjen e saj emocionale me sportin e hokejit dhe vendlindjen e saj. Ajo theksoi se pasioni për këtë sport e shoqëron që nga koha kur jetonte në Nju Jork. “Dashuria ime për hokejin ka nisur prej kohësh. Duke marrë parasysh se jam rritur në Kolorado dhe ndihem e lidhur shpirtërisht me këtë vend, ishte thjesht çështje kohe që rrugët e mia të kryqëzoheshin me ekipin e Colorado Avalanche”, ka shkruar modelja në mbishkrimin e postimit të saj.