Arsenali synon transferimin e Endrickut në janar

Arsenali po shqyrton mundësinë e transferimit të sulmuesit të Real Madridit, Endrick, gjatë afatit kalimtar të janarit, raporton mediumi britanik talkSPORT. Futbollisti brazilian nuk është në planet kryesore të trajnerit të Real Madridit, pasi këtë sezon ka regjistruar vetëm 114 minuta lojë. Për këtë arsye, londinezët po synojnë ta shfrytëzojnë situatën e tij për ta përforcuar repartin ofensiv. Arsenali ka nevojë për alternativa shtesë në sulm, sidomos pas mungesës së Bukayo Sakës për shkak të lëndimit. Endrick është njëri prej disa futbollistëve që u ishte ofruar klubeve të Ligës Premier edhe gjatë afatit kalimtar të dimrit të kaluar. 21-vjeçari është pjesë e së njëjtës agjenci menaxherësh me bashkëlojtarin e tij te Real Madridi, Vinicius Junior. Me këtë agjenci ka marrëdhënie të mira edhe drejtori sportiv i Arsenalit, Andrea Berta.