Kurti për Radio France Internationale: Kosova, rrëfim suksesi i dyfishtë

Kryeministri i Kosovës, Albin Kurti, ka folur për Republikën e Kosovës në një intervistë për Radio France Internationale (RFI), duke e cilësuar vendin si një “rrëfim suksesi të dyfishtë”. Kurti ka thënë se suksesi i parë lidhet me ndërhyrjen dhe ndihmën humanitare të faktorëve ndërkombëtarë para 27 vjetësh, kur Kosova u çlirua, ndërsa i dyti, sipas tij, lidhet me faktin se demokracia dhe zhvillimi po ecin së bashku. “Në Ballkanin Perëndimor, jemi ose të parët ose të dytët sa i përket luftimit të krimit të organizuar dhe korrupsionit, sa i përket sundimit të ligjit dhe transparencës institucionale”, ka deklaruar Kurti.