Capello thur eloda për talentin e Juventusit: Ai është Lamine Yamal i Italisë

Trajneri i mirënjohur italian, Fabio Capello, ka vlerësuar lart cilësitë e Kenan Yildiz, duke e krahasuar perlat dhe krijimtarinë e yllit të Juventusit me atë të Lamine Yamal që luan te Barcelona. Këto deklarata vlerësuese ish-drejtuesi i stolave të njohur si Milan, Juventus dhe Real Madrid i bëri gjatë eventit për ndarjen e çmimit “Bulgarelli”, ku futbollisti turk u kurorëzua si mesfushori më i mirë për edicionin e shkuar. “Skena jonë kërkon lojtarë me vizion dhe fantazi. Ai realizon veprime që sfidojnë çdo parashikim dhe është kënaqësi të ndjekësh një lojë kaq dinamike e të larmishme. Kenan do të na dhurojë spektakël; ai është padyshim Lamine Yamal i Italisë”, u shpreh Capello gjatë fjalës së tij. Në krahun tjetër, vetë Yildiz bëri me dije se po vijon me sukses fazën e rikuperimit nga dëmtimi, teksa ka si synim parësor që t'i bashkohet skuadrës në fushën e blertë gjatë muajit dhjetor.