Policia arreston në Mitrovicë një person të dënuar, e çon drejt e në burg

Publikuar më: Foto është ilustrimPolicia e Kosovës ka arrestuar sot në orët e hershme të mëngjesit një person të kërkuar me urdhëresë aktive të Gjykatës, në Mitrovicën e jugut. Sipas njoftimit të Drejtorisë Rajonale të Policisë në Mitrovicë Jugu, arrestimi është kryer rreth orës 06:30, pas veprimeve operative të njësive policore në terren. I dyshuari ishte i dënuar me 12 muaj burgim për veprën penale “Keqpërdorim i pozitës apo autoritetit zyrtar”. Pas arrestimit dhe përfundimit të procedurave të nevojshme, ai është dërguar në vuajtje të dënimit. Policia nuk ka dhënë detaje shtesë për identitetin e të arrestuarit.