“Bëj vetëm punën time” – Cucurella i përgjigjet Lamine Yamalit pas triumfit në “El Clasico”

Marc Cucurella ka komentuar përballjen e tij direkte me Lamine Yamal në “El Clasico”-n e fundit, një ndeshje ku Real Madridi fitoi me rezultatin 2-1 ndaj Barcelonës. Mbrojtësi spanjoll bëri një paraqitje solide, duke arritur të frenojë talentin e katalunasve. Ky i fundit, para sfidës, kishte bërë një deklaratë me shaka se do ta mposhte Cucurellan në dyluftimet mes tyre në fushë. I pyetur nga media për këto fjalë të Yamalit, mbrojtësi preferoi të ruajë një qasje të matur dhe të rezervuar. “Nuk kam asgjë për të thënë. Nuk më pëlqen të flas apo të mburrem, më pëlqen të qëndroj i qetë dhe të bëj punën time. Zhvillova një ndeshje të mirë dhe me siguri do të përballem edhe shumë herë me të”, u shpreh ai. Në fund, Cucurella pranoi se në sfidat e ardhshme do t’i duhet të vuajë përballë rrezikshmërisë së Yamalit, ndërkohë që nuk i kurseu as lëvdatat për cilësitë e larta të sulmuesit të skuadrës së Barcelonës.