A do të garojë Arsene Wenger kundër Gianni Infantinos për kreun e FIFA-s?

UEFA ka afat deri më 18 nëntor për të caktuar zyrtarisht kandidatin e saj zyrtar në garën për kreun e shtëpisë madhore të futbollit botëror, FIFA. Sipas informacioneve nga qarqet sportive, Arsène Wenger po konsiderohet seriozisht nga qeveria evropiane e futbollit si njeriu ideal dhe favoriti kryesor për të hyrë në këtë betejë zgjedhore kundër presidentit aktual, Gianni Infantino. Aktualisht, strukturat përkatëse po zhvillojnë bisedime intensive për ta bindur ish-trajnerin e njohur të Arsenalit që të pranojë sfidën dhe të garojë përballë drejtuesit aktual të FIFA-s, i cili gjatë periudhës së fundit është vënë në qendër të kritikave nga aktorë të ndryshëm të këtij sporti. 77-vjeçari Wenger, i cili mban aktualisht detyrën e drejtorit të zhvillimit të futbollit botëror pranë FIFA-s, ka mbajtur një qëndrim krejtësisht të distancuar ndaj nismës së diskutueshme për krijimin e një shoqërie tregtare, e cila parashikonte hapjen e kapitalit ndaj investitorëve privatë. Përvoja e tij e gjatë dhe e suksesshme, si në stol ashtu edhe në funksionet drejtuese institucionale, e pozicionojnë francezin si një alternativë me peshë të madhe. Pikërsisht për këtë arsye, kreu i UEFA-s, Aleksander Čeferin, ushqen bindjen se Wenger zotëron profilin e duhur për të rivalizuar me sukses Infantinon.