Kthehet në fushë Vincent Kompany, trajneri i Bayernit lë pas probleme shëndetësore

Pas një periudhe sfiduese dhe trajtimit mjekësor, Vincent Kompany i është rikthyer sërish punës me skuadrën e Bayern Munichut. Tekniku belg ka drejtuar seancën e sotme stërvitjore në qendrën sportive “Säbener Straße”, duke shënuar kështu rikthimin e tij zyrtar pas gati tre javësh mungesë. Kujtojmë se më 23 tetor, ai pësoi një gjendje të rëndë shëndetësore që kërkoi edhe shtrimin e menjëhershëm në spital. Sipas planeve aktuale të klubit bavarez, Kompany pritet të udhëheqë skuadrën nga pankina në sfidën e radhës që do të zhvillohet më 20 nëntor kundër Kolnit.