Vjosa Osmani nderohet me çmimin ndërkombëtar të diplomacisë: Dedikimi prekës për popullin e Kosovës dhe presidentin Rugova

Ish-presidentja e Kosovës, Vjosa Osmani, është vlerësuar me çmimin prestigjioz “Global Diplomacy Award”, në një ceremoni ku morën pjesë mbi 350 delegatë nga 32 shtete të ndryshme të botës, të tubuar në Turqi me ftesë të organizatës “Global Journalism Council”. Pas pranimit të këtij vlerësimi, Osmani ka shprehur falënderimet e saj të sinqerta, duke theksuar se diplomacia e mirëfilltë ka për qëllim ndërtimin e urave lidhëse dhe mbrojtjen e pandryshueshme të kauzës së drejtësisë. “Këtë çmim ia dedikoj, sikurse çdo çmim tjetër, popullit të përvuajtur të Kosovës, i cili sakrifikoi gjithçka, deri edhe fëmijët në djep, që ne sot ta gëzojmë lirinë. Njëkohësisht, ia dedikoj Atit themeltar të Republikës sonë, Presidentit Ibrahim Rugova, i cili na mësoi rëndësinë e aleancave, të ndërtimit të urave dhe të kultivimit të miqësive”, ka theksuar Osmani në mesazhin e saj. Gjatë fjalës së saj, ajo ka vënë in primis edhe rolin vendimtar të gazetarëve, duke e cilësuar këtë çmim si një përulje e homazh për të gjithë punonjësit e mediave që, përmes guximit për të dëshmuar të vërtetën gjatë periudhës së luftës në Kosovë, kontribuan në shpëtimin e jetëve të panumërta njerëzore. “Sepse gazetaria e guximshme nuk është vetëm dëshmi e historisë, por edhe mbrojtje e jetës dhe e njerëzimit”, ka shtuar tutje Osmani.