Bllokohen në doganë rreth 150 mijë lodra kineze për fëmijë, nuk plotësonin kriteret e sigurisë

Inspektorati Qendror i Mbikëqyrjes së Tregut, në bashkëpunim të ngushtë me Doganën e Kosovës, ka ndërmarrë një aksion duke penguar futjen në tregun vendas të afërsisht 150.000 lodrave për fëmijë të prodhuara në Kinë. Vendimi për bllokimin e këtij kontingjenti është marrë pas kontrolleve dhe inspektimeve të detajuara në pikat doganore. Sipas autoriteteve kompetente, gjatë verifikimit është konstatuar se produktet në fjalë nuk përmbushnin kërkesat thelbësore të përcaktuara me ligj për sigurinë dhe cilësinë.