Me diskurs të vjetër propagandistik: Fituesit e zgjedhjeve studentore nga Serbia vizitojnë manastiret në Kosovë

Përfaqësues të Listës Studentore, subjekt ky që doli fitues në procesin e fundit zgjedhor në Serbi, kanë realizuar sot një vizitë në Kosovë. Gjatë këtij qëndrimi, ata zhvilluan takime me klerikët fetarë në Manastirin e Deçanit dhe në atë të Graçanicës. Sidoqoftë, kjo vizitë u shoqërua me të njëjtën retorikë politike të së kaluarës. Në komunikotën e tyre zyrtare, ky grupacion ka shmangur përdorimin e emrit zyrtar të Republikës së Kosovës, duke i mveshur asaj termin "Metohi" – një etiketë e njohur propagandistike që shërben për të shpërfaqur synimet territoriale të Serbisë. Në deklaratën e lëshuar për mediat, përfaqësuesit e kësaj liste shprehën vendosmërinë e tyre se ekzekutivi i ardhshëm i Serbisë do të vijojë pa ndërprerje mbështetjen ndaj popullatës serbe që jeton në Kosovë.