Çfarë i munguje Gjilanit për ta fituar titullin e kampionit? Flet ish-trajneri Musa Selimi

Ish-trajneri i njohur i SC Gjilani, Musa Selimi, ka analizuar situatën aktuale në klubin bardhëkuq, duke vënë in focus investimet ndër vite dhe faktorët kryesorë që po e mbajnë skuadrën larg trofeut më të rëndësishëm në futbollin e Kosovës. I ftuar në emisionin SportCast, Selimi ka pohuar se klubi nuk çedon në aspektin e organizimit, marketingut apo promovimit, por vuajë mungesën e një qasjeje më të mirëfilltë profesionale në menaxhim dhe në dinamikat e brendshme të ekipit. Ai ka theksuar se buxheti është i domosdoshëm, por ai duhet të mbështetet patjetër te profile kompetente, udhëheqje korrekte dhe analiza të detajuara që integrojnë shkencën e sportit dhe matjen e performancës së lojtarëve. “Meqë unë nga viti 2015 nuk jam pjesë e Gjilanit, ka 10 vite, fatkeqësisht që nuk është se më kanë kontaktuar, por edhe unë jam tip që nuk i imponohem. Kanë marrë trajnerë të ndryshëm, njerëz të ndryshëm, mendoj që financat janë të rëndësishme, por më tepër duhet t'i kushtohet kujdes anës profesionale, menaxhimit të drejtë, njerëzve kompetentë, e që nuk po say që nuk kanë, sepse nuk kanë probleme sa i përket organizimit, promovimit e marketingut, por i mungon diçka sikur brenda për brenda, nuk është një grup i njerëzve që ndoshta e shohin pak më ndryshe organizimin e klubit. Kjo mendoj që po i penalizon, sepse klubi mund të ketë financa të mjaftueshme, por që pjesa profesionale që bazohet pak më tepër edhe në matje, dhe shkon edhe pak te shkenca, te testimi në performancë, sikur i mungon Gjilanit kjo pjesë, dhe, fatkeqësisht, kjo ndoshta është pjesa kryesore ku ata nuk po arrijnë ta bëjnë atë hapin përfundimtar përkundër organizimeve të mira që i kanë”, ka deklaruar Selimi. Sipas tij, kapitali i deritanishëm financiar nuk po shpërblehet me trofe dhe rezultate kulmore, ndaj ai pret transformime rrënjësore në mënyrën se a bëhet menaxhimi, duke kërkuar vlerësim më të thellë të stafit teknik dhe strukturave të akademisë. “Nuk po arrijnë ta kurorëzojnë me një sukses që do të ishte mëkat, sepse vërtet po investohet shumë, jepen para marramendëse edhe për paga, edhe për organizime, edhe për përgatitje. Por që shpresojmë që në të ardhmen ndoshta do të ketë ndryshime, edhe në këtë aspekt që të plotësohet kjo zbrazëti, do të thosha, ky boshllëk që nuk e kanë për momentin dhe të analizohen gjërat më mirë, në mënyrë profesionale, edhe puna e trajnerëve, edhe puna e akademisë, dhe kështu, Gjilani do të bëhet një klub serioz siç është edhe sot, por që po i mungon suksesi”, ka përfunduar ai. Kujtojmë se Musa Selimi ka lënë gjurmë të pashlyeshme gjatë periudhës kur drejtonte Gjilanin, periudhë gjatë së cilës skuadra arriti të rrëmbëjë Kupën dhe Superkupën e Kosovës. Megjithatë, titulli i kampionit vazhdon të mbetet një mision i paplotësuar për klubin gjilanas, pavarësisht ambicieve të larta dhe shpenzimeve të vazhdueshme financiare.