Një person gjendet i vdekur në Zubin-Potok, policia e cilëson “vdekje të dyshimtë”

Një person është gjetur pa shenja jete të mërkurën në Varagë të Poshtme të Zubin-Potokut. Policia ka njoftuar se rasti është cilësuar si “vdekje e dyshimtë”. Në njoftimin e policisë thuhet se viktima, 55-vjeç, dyshohet se ka kryer vetëvrasje. “Njësitë relevante policore së bashku me stafin mjekësor kanë shkuar në vendin e ngjarjes, ku kanë hasur në viktimën B.R 55-vjeç i cili është gjetur pa shenja jetë i varur me litar ne ballkonin e shtëpisë së tij. Ekipi mjekësor ka konstatuar se personi është pa shenja jete”, thuhet në njoftim. Trupi i pajetë i viktimës është dërguar në Institutin e Mjekësisë Ligjore për obduksion.