Akti i Presidencës ngjall reagime: Gaxherri i del në mbrojtje figurës së Rugovës dhe simboleve shtetërore

Ish-deputetja e Lidhjes Demokratike të Kosovës, Besa Gaxherri, ka ngritur zërin ashpër kundër vendimit të Presidentes Shiroka-Pula për të hequr portretin e presidentit historik, Ibrahim Rugova, si dhe Deklaratën e Pavarësisë nga ambientet e Presidencës. Nëpërmjet një prononcimi publik, Gaxherri e ka cilësuar këtë lëvizje si të papranueshme, duke theksuar se trashëgimia shtetërore nuk mund të zhvendoset për t'i bërë vend interesave apo siç u shpreh ajo, "biznesit familjar". "Jo zonja Presidente! Nuk mund ta zëvendësosh fotografinë e presidentit historik Dr. Ibrahim Rugova dhe Deklaratën e Pavarësisë së Republikës së Kosovës me biznesin tuaj familjar", ka theksuar ajo në reagimin e saj. Gaxherri ka kërkuar kthimin e menjëhershëm të simboleve dhe atributeve shtetërore në vendin e tyre të merituar, duke nënvizuar se prania e Presidencës në ato zyra është e lidhur ngushtë pikërisht me këto vlera.