Mitrovicë: Pulmologu Leonard Muja emërohet ushtrues detyre i drejtorit të Spitalit

Spitali i Përgjithshëm i Mitrovicës ka tashmë drejtorin e ri të ri, pas ndryshimeve të ndodhura në strukturën udhëheqëse. Mjeku pulmolog, Leonard Muja, i është besuar pozita e ushtruesit të detyrës në këtë institucion shëndetësor. Ky zhvillim vjen si pasojë e vendimit zyrtar të Shërbimit Spitalor Klinik Universitar të Kosovës (ShSKUK), i cili ka proceduar me pezullimin e ish-drejtorit paraprak, Gëzim Berisha. Sipas njoftimit zyrtar, doktor Muja do të jetë në krye të spitalit deri në marrjen e një vendimi përfundimtar lidhur me menaxhimin e ardhshëm të këtij spitali. Ndërkaq, largimi i ish-drejtorit Berisha nga detyra dhe nga marrëdhënia e punës erdhi pasi ai po përballet me hetime nga ana e Prokurorisë, nën dyshimet për veprën penale të kanosjes ndaj bashkëshortes së tij.