Tensione pas BBVK: Labinot Rexha trondit me deklaratën për kërcënimet nga familja e Jona Krasniqit

Ish-konkurrenti i edicionit të dytë të Big Brother VIP Kosova, Labinot Rexha, ka hedhur akuza të forta në drejtim të ish-banores Jona Krasniqi dhe familjes së saj, përmes një njoftimi publik. Përmes një postimi të shpërndarë në rrjetet sociale, këngëtari ka bërë të inur se është vënë në shënjestër të kërcënimeve të përsëritura, ndërsa ka pohuar se Jona ka realizuar dhjetëra video për të. "Gjatë gjithë kohës sa kam qenë pjesë e shtëpisë më të famshme, familjarët dhe rrethi im ngushtë nuk kanë lëshuar kurrë kërcënime ndaj askujt, pavarësisht fyerjeve, sharjeve apo sulmeve verbale që kam përjetuar", ka theksuar ai në hyrje të reagimit të tij. Rexha ka shtuar më tej se presioni ndaj tij ka qenë i vazhdueshëm: "Mirëpo, sinqerisht, nga ana e familjes së Jonës kam pranuar mbi katër kërcënime direkte. Për më tepër, ajo vetë ka hedhur në qarkullim më shumë se 50 video ku flet për mua". Duke folur për qasjen e tij ndaj kësaj situate, ai ka nënvizuar se ka preferuar të ruajë qetësinë dhe të mos bjerë pre e provokimeve, duke vënë theksin te vlerat personale. "Unë kam dashur t'i anashkaloj këto situata dhe nuk ndiej nevojë të realizoj dhjetëra materiale filmike për të dëshmuar identitetin tim. Garat e këtij lloji nuk fitohen përmes presioneve, paragjykimeve apo kanosjeve ndaj të tjerëve, por me integritet, burrëri dhe edukatë", ka shtuar ndër të tjera Labinoti. Derisa ende mbeten të paqarta arsyet e sakta që çuan në këtë shpërthim publik të artistit, vlen të theksohet se vetëm dy ditë më parë ai kishte publikuar në profilin e tij në Instagram një sekuencë video, ku Jona shfaqej duke diskutuar për të gjatë kohës së tyre në formatin televiziv.