Zidane hedh poshtë vendimin për Topin e Artë: Mbappe e meritonte triumfin po aq sa Kane

Ish-trajneri i njohur dhe ikona e futbollit francez, Zinedine Zidane, ka dalë hapur në mbrojtje të Kylian Mbappes, pas zhgënjimit të sulmuesit në garën për “Topin e Artë 2026”. Sipas tij, ylli i Real Madridit e kishte vendin e parë në këtë çmim prestigjioz po aq sa edhe fituesi zyrtar. Duke folur në emisionin televiziv “Telefoot” të dielën, ish-strategu i Real Madridit pranoi se është krejtësisht normale që Mbappe të ndihet i dëshpëruar që mbeti pa trofeun më të rëndësishëm individual në botën e futbollit. Për kapitenin e përfaqësueses së Francës, pozita e dytë shënon pozicionimin më të lartë në karrierën e tij deri më tani në këtë garë, megjithatë çmimi kryesor përfundimisht u fitua nga sulmuesi i Bayern Munichut, Harry Kane. “Mbappe? Me siguri do të jetë i lumtur që është rikthyer te Kombëtarja e Francës. Në grumbullimin e parë ndodhi ashtu siç ndodhi, pasi u largua nga skuadra pas ndeshjes së parë kundër Turqisë për shkak të lëndimit. Me siguri ka dashur të qëndrojë me ne, por është një lojtar që luan shumë, prandaj duhet të kemi kujdes”, deklaroi fillimisht Zidane. Duke analizuar çështjen e “Topit e Artë”, legjenda franceze nuk ngurroi të shprehë bindjen e tij se snajperi i klubit madrilen meritonte plotësisht të stoliset me këtë trofe. “Topi i Artë? Secili ka preferencat e veta. Ai përfundoi i dyti dhe duhet ta pranojmë këtë. Natyrisht që është i zhgënjyer, sepse me siguri e meritonte po aq sa fituesi”, u shpreh Zidane.