Formë e shkëlqyer për Kombëtaren, mbrojtësi kuqezi shënon në Turqi para sfidave të nëntorit

Mbrojtësi i kombëtares shqiptare, Arlind Ajeti, ka dërguar sinjale pozitive në prag të grumbullimit me kuqezinjtë, pasi ka gjetur rrugën e rrjetës në kampionatin turk. Futbollisti është shënuar në listën e golashënuesve në sfidën mes Bolusporit dhe skuadrës së tij, Bodrumspor, e cila i përket javës së 14-të të Ligës së Parë të Turqisë. Episodi vendimarrës u regjistrua që në minutën e 15-të të takimit, kur Ajeti përfitoj nga një asist i saktë brenda zonës nga bashkëlojtari Moreira, duke zhbllokuar shifrat dhe kaluar skuadrën e tij në avantazh. Ky realizim përbën një lajm tejet inkurajues për shtabin teknik të Kombëtares shqiptare dhe në veçanti për trajnerin Rolando Maran. Kujtojmë se emri i Ajetit figuron në listën zyrtare të futbollistëve të ftuar për dy angazhimet e rëndësishme që Shqipëria do të ketë gjatë këtij muaji, respektivisht kundër Finlandës dhe Bjellorusisë. Dueli i parë do të zhvillohet në kryeqytet në stadiumin "Air Albania" më 12 nëntor, ndërsa sfida e dytë dhe e fundit e kësaj faze do të luhet në transfertë vetëm tre ditë më vonë.