Përplasje titanësh në La Liga: Atletico Madrid dhe Barcelona duelojnë sonte për kreun e tabelës

Këtë mbrëmje, stadiumi në Madrid do të jetë qendra e vëmendjes së futbollit spanjoll, ku Atletico Madrid do të përballet me Barcelonën në kuadër të javës së 12-të të kampionatit. Për momentin, katalunasit mbajnë kreun e renditjes me 30 pikë në total, duke lënë pas vetëm me dy pikë diferencë ekipin e Atletico Madridit, i pozicionuar i dyti. Formacioni i drejtuar de Diego Simeones zbarkon në këtë sfidë pas një ecurie prej shtatë fitoresh rresht në kampionat, me ambicien e qartë për të marrë tri pikët që do t'i dërgonin në vendin e parë. Në krahun tjetër, Barcelona e Hansi Flick paraqitet me një formë të jashtëzakonshme, pasi ka shënuar plot 46 herë në 11 sfidat e para të këtij sezoni. Mysafirët vijnë pas triumfit të thellë 6:1 ndaj Alavesit dhe synojnë të mbrojnë vendin e tyre lider në tabelë. Për Diego Simeonen, ky duel mbart edhe një dimension historik, pasi një fitore e mundshme do ta shndërronte në trajnerin e parë në histori të La Ligës që arrin kuotën e 345 fitoreve në këtë kompeticion. Nga ana e tyre, blaugranët synojnë të arrijnë suksesin e pestë radhazi si udhëtues ndaj Atleticos në kampionat, një arritje e shënuar deri më tani vetëm nga dy klube të tjera. Ky ballafaqim direkt pritet të ketë një peshë vendimtare në ecurinë e garës për titullin kampion gjatë këtij sezoni. Atletico Madrid: 22 Grimaldo — 10 Baena — 19 Alvarez — 17 Hancko — 6 Koke — 13 Oblak — 18 Pubill — 8 Barrios — 14 Llorente — 20 Simeone — Lee Barcelona: 24 Garcia E. — 10 Lamine Yamal — 21 de Jong — 5 Cubarsi — 1 Garcia I. — 11 Raphinha — 7 Fermin — 18 Martin — 8 Pedri — 17 Gordon — 2 Cancelo