Dita e Përkujtimit: Presidentja Shiroka Pula bën homazhe për 14 ushtarët britanikë të rënë në Kosovë

Kreu i shtetit të Kosovës, Presidentja Justina Shiroka Pula, ka marrë pjesë në ceremoninë e Ditës së Përkujtimit të Mbretërisë së Bashkuar, ku ka nderuar kujtimin e 14 pjesëtarëve të ushtrisë britanike që sakrifikuan jetën e lor gjatë misionit paqeruajtës të NATO-s dhe KFOR-it në vendin tonë. Ngjarja solemne u zhvillua në prani të personaliteteve të larta vendase dhe ndërkombëtare. Krahas Presidentes Shiroka Pula, në ceremoni morën pjesë edhe ambasadori britanik në Prishtinë, Jonathan Hargreaves, komandanti i KFOR-it, Gjeneralmajor Roberto Vergori, ministri i Mbrojtjes, Ejup Maqedonci, Komandanti i FSK-së, Gjenerallejtënant Bashkim Jashari, si dhe personalitete të tjera të korit diplomatik. Gjatë fjalës së saj, Presidentja Shiroka Pula shprehu falënderimet e saj më të sinqerta për kontributin e pazëvendësueshëm dhe sakrificën supreme të ushtarakëve britanikë. Ajo nënvizoi se institucionet dhe qytetarët e Kosovës do t'i ruajnë përgjithmonë në kujtesë ndihmën e Mbretërisë së Bashkuar dhe devotshmërinë e atyre trupave që u flanë për paqen dhe sigurinë e qytetarëve tanë.