Kampionati Ballkanik: Karateisti Neevis Hasani i dhuron Shqipërisë medaljen e argjendtë në Stamboll

Përfaqësuesja e Shqipërisë ka regjistruar një tjetër sukses të rëndësishëm në arenën ndërkombëtare të sportit, duke u stolisur me një tjetër medalje argjendi në Kampionatin Ballkanik të Karatesë që po zhvillohet në qytetin e Stambollit, në Turqi. Talenti i kësaj disipline, Neevis Hasani, është shpallur nënkampion i Ballkanit. Ai ka treguar një formë të shkëlqyer fizike dhe teknike në garat e kategorive Cadet, Junior dhe U-21, duke u ngjitur në podium dhe duke i sjellë vendit tonë një tjetër trofe prestigjioz. Ecuria e sportistit shqiptar gjatë këtij kompeticioni dëshmon qartë potencialin e tij të lartë dhe një të ardhme shumë premtuese në këtë sport. Hasani arriti të siguronte tri fitore radhazi kundër përfaqësuesve të Rumanisë, Turqisë dhe Bosnjë-Hercegovinës, për t'u mposhtur vetëm në aktin final nga garuesi vendës i Turqisë.