Shtime: Festimet me armë zjarri përfundojnë në pranga, polica sekuestron pistoletën dhe municionin

Një aheng familjar në komunën e Shtimes është ndërprerë nga reagimi i autoriteve policore, pasi një person dyshohet se ka përdorur armën e zjarrit gjatë festës. Si pasojë e këtij veprimi, i dyshuari është ndaluar dhe prangosur nga efektivët e rendit. Sipas njoftimit zyrtar të Policisë së Kosovës, incidenti ka ndodhur në fshatin Gjurkoc. Gjatë ndërhyrjes në vendin e ngjarjes, autoritetet kompetente kanë konfiskuar armën e llojit pistoletë, së bashku me 30 copë fishekë, tri gëzhoja të shkrepura dhe dokumentacionin e lejes përkatëse të armës. Pas përfundimit të procedurave policore dhe me vendim të prokurorit të rastit, i dyshuari është liruar në procedurë të rregullt, ndërkohë që ndaj tij do të vazhdojnë hetimet e mëtutjeshme ligjore.