Gjuajtja me armë në një aheng në Shtime përfundon me arrestimin e një personi

Një ngjarje me të shtëna armësh gjatë një ahengu familjar në komunën e Shtimes ka ngritur në alarm organet e rendit, të cilat kanë ndërhyrë duke prangosur personin e dyshuar. Sipas njoftimit zyrtar të Policisë së Kosovës, incidenti ka ndodhur në fshatin Gjurkoc, ku i dyshuari kishte përdorur armën e zjarrit gj festës. Gjatë kontrollit në vendin e ngjarjes, njësitet policore kanë sekuestruar një pistoletë, 30 copë fishekë, tri gëzhoja të shkrepura, si dhe lejen përkatëse të armës. Në raportin e përditshëm policor theksohet se pas verifikimit të rrethanave, me vendim të prokurorit të shtetit, i dyshuari është liruar në procedurë të rregullt, ndërsa ndaj tij do të vijojnë hetimet e mëtutjeshme.