Dasma përrallore në New York: Ish-avokatja e Trumpit kurorëzon dashurinë me miliarderin turk

Alina Habba, e njohur për rolin e saj si avokate personale e ish-presidentit amerikan Donald Trump, ka kurorëzuar dashurinë e saj me miliarderin turk, Turhan Mildon. Ceremonia martesore, e cila ka tërhequr vëmendjen e mediave ndërkombëtare, u zhvillua në ambientet luksoze të hotelit prestigjioz “Waldorf Astoria” në New York. Organizimi i kësaj dasme madhështore ka qenë tejet ambicioz, ku sipas të dhënave të raportuara, shpenzimet për këtë event kanë arritur shifrën marramendëse prej 8.8 milionë eurosh. Ambienti ishte shndërruar në një kopsht magjik, falë vendosjes së rreth 900 mijë luleve të importuara nga mbarë bota, ndërsa çifti shkëmbeu betimet mes një dekori mbresëlënës me trëndafila të bardhë dhe rozë. Momenti i vallëzimit të parë të çiftit ishte një tjetër pikë kulminante e mbrëmjes, ku atmosfera u ndez nga interpretimi i këngës “Hier Encore” nga një këngëtar francez, i ftuar enkas për këtë mbrëmje. Përgjatë festimeve, Habba tërhoqi vëmendjen edhe me ndërrimin e tri veshjeve të ndryshme: fillimisht një fustan klasik me dantellë dhe bisht të gjatë, më pas një krijim elegant me shkëlqim, për ta mbyllur me një fustan të shkurtër me temina, ideal për pjesën e vallëzimit. Në mesin e të ftuarve të shumtë u dalluan emra të njohur nga elita politike e rrethit të Trumpit, si dhe personalitete të tjera publike. Ndër të pranishmit ishin ish-kampioni i boksit Mike Tyson, drejtori i FBI-së Kash Patel, si dhe prokurori federal amerikan Todd Blanche. Atmosfera festive u finalizua me performancën e reperit të famshëm, Nelly.