Tragjedi në Jemen: Mbi 30 viktima nga sulmet ajrore pranë Sanas

Të paktën 33 persona kanë humbur jetën dhe 39 të tjerë kanë mbetur të plagosur si pasojë e një serie sulmesh ajrore të regjistruara në një zonë pranë kryeqytetit të Jemenit, Sana. Sipas agjencisë së lajmeve “Reuters”, Ministria e Shëndetësisë, e cila drejtohet nga rebelët Houthi, ka deklaruar se bombardimet janë ndërmarrë nga Arabia Saudite dhe kanë shënjestruar zona banimi në rajonin Bani Hushaysh. Në raportimet paraprake bëhet e ditur se pjesa dërrmuese e viktimave janë gra dhe fëmijë që ndodheshin në banesat e tyre gjatë kohës së sulmeve. Në krahun tjetër, autoritetet zyrtare në Arabinë Saudite kanë njoftuar se po e analizojnë situatën dhe janë duke e shqyrtuar rastin në fjalë.