Të shtëna me armë në një fshat të Gjakovës

Të shtëna me armë janë raportuar të premten në fshatin Rakoc të Gjakovës. Policia ka dalë në vendin e ngjarjes dhe ka gjetur dy vrima në murin e një shtëpie. Rasti po hetohet. Nuk raportohet për të arrestuar. “Ankuesi mashkull kosovar, ka njoftuar policinë se pasi ka dëgjuar të shtëna nga arma ka vërejtur në murin e shtëpisë dy vrima që dyshohet se janë shkaktuar nga arma e zjarrit. Në vendin e ngjarjes njësia policore ka gjetur dhe sekuestruar një predhë të kalibrit 7.62mm. Në konsultim me prokurorin është iniciuar rasti dhe mbetet në hetime”, thuhet në raportin e PK-së.