Krenar Shala me ironi të ashpër ndaj ekzekutivit: Qeveria Kurti, më e ngadaltë se breshka

Analisti politik, Krenar Shala, ka adresuar kritika të forta ndaj mënyrës së qeverisjes së kryeministrit Albin Kurti, duke e vënë theksin te mungesa e dinamikës në punën e kabinetit qeveritar. Gjatë pjesëmarrjes së tij në debatin e emisionit ‘Adresa’ në Kanal 10, Shala e përshkroi ritmin e punës së Qeverisë me një krahasim mjaft të pazakontë dhe ironik, i cili shkaktoi të qeshura të shumta në studio. “Breshka e sheh Qeverinë Kurti dhe i thotë: Qysh more, ti ma e ngadalshme se unë?”, deklaroi Shala, duke nënkuptuar se stili i udhëheqjes aktuale është tejet pasiv dhe joefikas në përballje me sfidat e vendit.