Dy komisione do të drejtohen nga LDK-ja në legjislaturën e re të Kuvendit

Lidhja Demokratike e Kosovës ka propozuar deputetët që do ta përfaqësojnë grupin parlamentar në 16 komisionet e Kuvendit të Kosovës. Sipas propozimeve, LDK-ja do të ketë dy kryetarë komisionesh. Jehona Lushaku-Sadriu është propozuar për kryetare të Komisionit për Integrimin Evropian, ndërsa Besian Mustafa për kryetar të Komisionit për Mbikëqyrjen e Financave Publike. Deputetët e tjerë të LDK-së janë propozuar si zëvendëskryetarë dhe anëtarë në komisionet përkatëse. 1.Komisioni për Buxhet, Punë e Transfere: Avdullah Hoti – anëtar 2. Komisioni për të Drejtat dhe Interesat e Komuniteteve dhe Kthim: Kujtim Shala – anëtar. 3. Komisioni për Legjislacion: Doarsa Kica-Xhelili – zëvendëskryetare e parë. 4. Komisioni për Integrimin Evropian: Jehona Lushaku-Sadriu – kryetare. 5. Komisioni për Punë të Jashtme dhe Diasporë: Lutfi Haziri – anëtar. 6. Komisioni për Arsim, Shkencë, Teknologji, Inovacion, Kulturë, Rini dhe Sport: Hykmete Bajrami – anëtare. 7. Komisioni për Ekonomi, Industri, Ndërmarrësi, Tregti dhe Inovacion: Ermal Sadiku – anëtar. 8. Komisioni për Mjedis, Planifikim Hapësinor, Ushqim, Bujqësi, Pylltari, Zhvillim Rural, Infrastrukturë dhe Transport: Ukë Rugova – zëvendëskryetar i parë. 9. Komisioni për Shëndetësi: Albena Reshitaj – anëtare. 10. Komisioni për Administratë Publike, Digjitalizim, Pushtet Lokal, Media dhe Zhvillim Rajonal: Armend Zemaj – anëtar. 11. Komisioni për Çështje të Sigurisë dhe Mbrojtjes: Fadil Hadërgjonaj – zëvendëskryetar i parë. 12. Komisioni për të Drejtat e Njeriut, Barazi Gjinore dhe Peticione: Janina Ymeri – anëtare. 13. Komisioni për Mbikëqyrjen e Financave Publike: Besian Mustafa – kryetar. 14. Komisioni për Mbikëqyrjen e Agjencisë së Kosovës për Inteligjencë: Anton Quni – anëtar. 15. Komisioni për Kulturë, Turizëm, Sport dhe Rini: Paris Guri – zëvendëskryetar i parë. 16.Komisioni për Mirëqenie Sociale, Punë, Familje, Vlerat e Luftës Çlirimtare, Viktimat e Dhunës Seksuale të Luftës dhe Persona të Pagjetur: Arben Gashi – anëtar.