Sukses historik në Dakar: Xhudistja Arba Hasanaj shpallet e pesta në Lojërat Olimpike për të Rinj

Përfaqësuesja e Kosovës në xhudo, Arba Hasanaj, ka regjistruar një paraqitje fantastike në Lojërat Olimpike për të Rinj që po zhvillohen në Dakar, duke u renditur në pozicionin e pestë në kategorinë e peshave deri në 78 kilogramë. Paraqitja e shkëlqyer e sportistes së re është vlerësuar lart edhe nga trajneri i njohur dhe përzgjedhësi i Përfaqësueses së Kosovës, Driton Kuka. “Arba Hasanaj, 78 kg – vendi i pestë. Garuesja jonë shënoi tri fitore ndaj kundërshtareve nga Porto Riko, Figueroa, Australisë, McHenry, dhe Nikaraguas, Espinosa, për të arritur deri te lufta për medalje, ku u përball me austriaken Woegerer”, ka theksuar Kuka në rrjetet sociale. Sipas trajnerit, ndonëse medalja i iku për pak pas një lëshimi në nisje të duelit vendimtar, ky mbetet një rezultat mjaft inkurajues për të ardhmen e xhudos kosovare.