Talenti i Barcelonës dërgon sinjale para duelit në Ligën e Kampionëve ndaj Aston Villës

Hamza Abdelkarim premton të jetë një nga figurat më interesante në radhët e Barcelonës në prag të sfidës europiane kundër Aston Villës. Sulmuesi 18-vjeçar është i angazhuar maksimalisht për të fituar besimin e trajnerit Hansi Flick dhe për të siguruar një hapësirë më të madhe në formacionin e parë. Forma e tij e lartë është dëshmuar edhe në seancat stërvitore, ku talenti egjiptian ka spikatur me një supergol të realizuar përmes një goditjeje të fuqishme nga distanca. Klubi katalanas nuk ka ngurruar ta vlerësojë këtë moment mbresëlënës, duke e shpërndarë videon e golit në rrjetet zyrtare shoqëruar me diçiturën: “Goleador i lindur”. Vlen të theksohet se Abdelkarim pati një paraqitje fantastike edhe gjatë periudhës përgatitore, duke realizuar katër herë dhe duke u kurorëzuar si shënuesi më i mirë i skuadrës në atë fazë. Tani, lojtari i ri synon që me paraqitjet e tij të bindë tekniku Flick për t'i besuar minuta aktive në përballjen e radhës në Ligën e Kampionëve kundër skuadrës angleze, Aston Villa.