Përleshje e dhunshme mes pesë personave në Mitrovicën e Veriut, të gjithë përfundojnë me lëndime e njëri në mbajtje

Një incident i dhunshëm ka ndodhur në Mitrovicën e Veriut, ku pesë persona janë arrestuar pasi janë përfshirë në një përleshje fizike me njëri-tjetrin. Sipas njoftimit nga Policia e Kosovës, ngjarja ka ndodhur më 2 nëntor, rreth orës 00:05 pas mesnate. Si pasojë e goditjeve të marra, të gjithë të dyshuarit kanë pësuar lëndime trupore dhe u është dashur të marrin trajtimin e nevojshëm mjekësor. Me vendim të prokurorit të rastit, njëri nga të përfshirët në këtë përleshje është dërguar në mbajtje, ndërsa organet kompetente po vazhdojnë procedurat e mëtejshme hetimore.