Ngacmuan seksualisht dy gra në Fushë Kosovë, vëhen në pranga dy të dyshuarit

Organet e rendit në Fushë Kosovë kanë arrestuar dy persona, të cilët rëndohen nga dyshimet për kryerjen e veprës penale të ngacmimit seksual ndaj dy grave. Bazuar në të dhënat zyrtare nga raporti ditor i Policisë, ngjarja ka ndodhur gjatë pasdites së 2 nëntorit, rreth orës 18:40. Menjëherë pas kapjes së tyre nga forcat policore, me urdhër të prokurorit të rastit, të dyshuarit janë dërguar në mbajtje. Ndaj tyre tashmë kanë startuar të gjitha procedurat e nevojshme ligjore.