“Deri në ditën kur të bashkohemi sërish”, aktori i njohur përcjell mesazhin zemërthyer për vëllain e ndjerë

Aktori i njohur kosovar, Agan Asllani, ka prekur ndjekësit e tij në rrjetet sociale përmes një shkrimi dedikuar vëllait të ndjerë, Beratit, i cili është ndarë nga jeta pak ditë më parë. Nëpërmjet një postimi emocional, artisti ka evokuar kujtimet e përbashkëta dhe ka vënë në pah bujarinë e shpirtit që e karakterizonte të vëllain përgjatë gjithë jetës së tij. “Fjalët dhe dëshmitë e pafundme të njerëzve për bujarinë dhe mirësinë që ke shfaqur ndër vite pranë nesh janë burim krenarie për mua. Nga ky moment e deri në ditën kur ne të bashkohemi sërish, jeta ime do të ushqehet me kujtimet e tua. I jam mirënjohës Krijuesit për çdo çast e kujtim të bukur që më ka dhuruar me ty, të cilat do t'i ruaj të shenjta në zemrën time. Gjithashtu, dua t'ju shpreh një falënderim të sinqertë të gjithë atyre që më kanë qëndruar pranë me ngushëllimet e tyre. Zoti ju shpërbleftë!”, ka shprehur Asllani në mesazhin e tij. Ky dedikim prekës ka gjetur një mbështetje të madhe tek ndjekësit dhe kolegët, të cilët nuk kanë munguar t'i shprehin sërish ngushëllimet aktorit për këtë humbje të rëndë familjare.