Alarm në Lezhë: Zjarri masiv kërcënon banesat në Lalm të Ri, zjarrfikësit në terren

Një vatër zjarri është aktivizuar mesditën e sotme në fshatin Lalm i Ri të Lezhës, duke shkaktuar panik te banorët e zonës për shkak të përhapjes së shpejtë të flakëve. Si pasojë e erërave të forta dhe terrenit me bimësi të dendur, zjarri mori përmasa të mëdha në një kohë të shkurtër, duke iu afruar rrezikshëm objekteve të banimit që ndodhen në afërsi të vatrës. Forcat zjarrfikëse kanë mbërritur me urgjencë në vendngjarje dhe falë ndërhyrjes së tyre operacionale, është bërë e mundur parandalimi i një tragjedie, duke shpëtuar banesat nga rreziku i flakëve. Aktualisht, ekipet e emergjencës vijojnë punën në terren për shuarjen përfundimtare të vatrave të mbetura dhe izolimin e plotë të zonës, në mënyrë që situata të vihet nën kontroll të plotë.