Rinis nga e para procesi gjyqësor për aferën në Klinikën e Onkologjisë në Shkup

Në Gjykatën Penale të Shkupit ka nisur sërish nga fillimi shqyrtimi gjyqësor për skandalin e njohur si rasti “Onkologjia 2”, ku në bankën e të akuzuarve janë ulur ish-drejtorët e këtij institucioni shëndetësor, Nino Vasev dhe Nehad Nuhi. Rigjykimi u bë i pashmangshëm për shkak të ndryshimit të njërit prej anëtarëve të trupit gjykues. Gjatë seancës së sotme, të dy ish-zyrtarët e lartë kanë mohuar sërish çdo përgjegjësi penale, duke deklaruar para trupit gjykues se ndihen plotësisht të pafajshëm për akuzat që rëndojnë mbi ta. Nga ana e tyre, përfaqësuesit ligjorë kanë ngritur pretendime mbi bazën e provave. Mbrojtja e ish-drejtorit Vasev ka theksuar se akuza ngrihet mbi baza supozimesh dhe mungesë provash të pakundërshtueshme, ndërsa avokatja mbrojtëse e Nuhit ka shprehur pakënaqësi lidhjen me dorëzimin e materialeve dhe dëshmive shtesë nga ana e Prokurorisë. Sipas dokumentit të akuzës, dëmi i përgjithshëm i shkaktuar buxhetit të shtetit llogaritet në rreth 36 milionë euro. Kjo shifër dyshohet se është gjeneruar gjatë harkut kohor 2018-2022, si pasojë e parregullsive në prokurime dhe keqpërdorimit të ilaçeve oncologjike.